「試過連續幾日，枱頭個電話都冇響過！」80後經紀陳先生，一語道出現時證券從業員的苦況。由於生意淡薄，陳先生數月前與幾個朋友夾份，搞網上購物平台，實行搵外快幫補生計。
「賣的都是飾物以及電子產品，例如電話叉電器等。」他坦言，每月外快收入有三數千元，佔正職收入比例四至五成，尚算理想。
他通常與客戶以電話或電郵聯絡，傾好價錢後便立即交收，「家個市咁靜，隨時行開都冇問題啦。」他透露，身邊不少經紀朋友都有兼職在手，日間做經紀，晚上變身理貨員，甚至的士司機。
同事紛轉行
雖然股海搵食艱難，亦有同事陸續轉行，但陳生選擇留下，「我家都有班客，將來個市旺番，肯定豬籠入水。」
不過，對於何時重拾生氣，他也答不上口。