「呢排自己落場炒，賺埋啲佣其實都唔夠輸！」中資證券行資深經紀李先生一臉無奈地說。他表示，這一兩個月的生意可謂近年最差，「好多客都潛咗水，因為輸到渣都冇得剩。」由於經紀沒底薪，佣金收入決定一切，李先生明知市況凶險，也要冒死入場。
「以前個市冇咁短癮，通常持股有利潤都係先食一半，然後另一半坐過夜，博埋第二棍；家？即日有五格執已經要還神。」他坦言，有錢贏的例子很少，更多的是賺佣輸價，「有陣時唔好彩買中盈警股，真係喊都無謂。」
佣金90%為自己炒股
他不諱言，現時每月佣金只得一兩萬元，當中九成更為自己的炒作，但隨時一隻股所輸的都不止此數，當中的辛酸不足為外人道。
現時不少證券行搶爛市，以超低佣金吸客，李先生卻不以為然，「平佣嘅服務一定冇保證，我哋以質素取勝，大家客路唔同。」