【綜合中國外電】中國運動員年齡真假問題一向係外國傳媒嘅攻擊對象，早前有段聲稱專訪，引述中國拳擊代表任燦燦親口承認自己報大年齡，仲話虛報年齡喺中國係好平常。中國拳擊部已經喺星期三作出回應，話呢段所謂訪問係一派胡言，冇嘢搵嘢講；而當事人任燦燦亦都透過自己微博作出回應，不以為然話：「清者自清，時間會證明一切。」呢位女子拳擊51公斤級選手，啱啱已經隨隊出發去倫敦，佢都話唔會再理呢件事：「嘴長在人身上，愛說甚麼就說吧！我只管做好自己就行了。」