【綜合南韓外電】想唔想要三星最新型號嘅手機嘅GalaxyS3呢？如果你係南韓嘅奧運選手，就會免費得到一部，但係玩完奧運先准玩手機喎！南韓嘅三星集團宣佈，向南韓奧運代表團上下388人派發GalaxyS3，人人有份，一人一部，計番條數，加埋成3.4億韓圜（約230萬港元），認真大手筆。三星會先派手機畀代表團嘅管理層，等佢哋可以用最先進嘅手機聯絡團隊同埋接收即時嘅資訊。不過，運動員就要畀啲耐性，為咗等佢哋專心操練，應付奧運，所以三星要運動員回國之後，先至送機畀佢哋。