梁朝偉喺電影《聽風者》裏面再次扮盲人，佢話喺戲入面雖然有戴墨鏡，不過導演麥兆輝同莊文強為咗拍得更真實，所以特別預備咗對灰白色嘅隱形眼鏡畀偉仔用。點知偉仔話從影二十幾年都未戴過隱形眼鏡，而且隱形眼鏡太硬，搞到佢一戴咗就不停流眼水，所以導演最後都放棄，惟有後期加工時用CG整番對盲眼出嚟。