【本報訊】余若薇昨到元朗報名參選，丈夫胡健維就做「跟得丈夫」，即使天氣翳悶，胡也是一身西裝，守在余若薇旁邊默默支持，胡醫生更親吻余若薇以示支持。公民黨另一候選人郭家麒，更以踩單車載余若薇入場，意味希望二人雙雙入局，余若薇笑言將「第一次」二人乘單車的經驗奉獻給郭家麒：「我係唔識踩單車，我最叻只係上街爭取民主嘅運動，要我企七、八小時都冇問題！」