滙控（005）涉嫌協助黑幫及恐怖分子洗黑錢遭美國調查，但股價近日表現仍然硬淨，昨日更跟隨大市再升1.3%，逼近68元水平。證券界普遍對事件反應冷淡，更估計最多罰錢了事，不過昨晚滙控在美國預託證券（ADR）價早段偏軟報66.45元，較港收市低1.5元。
倘罰款78億 每股唔見$0.4
值得留意，最近一個月，大笨象成為淡友最愛，累積沽空金額約50億元，沽空比率平均24%，單是最近六個交易日，有一半日子沽空比率竟超過30%。
分析員估計，今次事件料罰錢了事，倘款項僅為預期的10億美元（約78億港元），則影響輕微，滙控涉嫌洗黑錢的調查已非朝夕，相信股價已反映不利因素，除非罰款較預期大得多，否則對集團以致股價都不會有太大衝擊。
「如果釘牌 影響災難性」
不過他提醒，倘調查證實黑錢事件牽涉至其他國家，而他國的央行又會接力採取行動，甚至要集團提高內部監控、以至資本風險值（CAR），「就會去到另一個負面層面」，但即使變成事實，影響也要待年底才會浮面。
對於罰款額，另一位分析員則表示是「有限錢，講梗都係每股唔見4毫港紙咋喎！」，直指10億美元只佔滙控市值極少部份，「唔多唔少都有影響，但咁又點呢？畀完咪又係繼續營運。」他認為滙控在歐美業務上的增長才是重點，「佢仲有好多其他嘢要顧。」
京華山一研究主管彭偉新同意指，「10億美元係咪好抵？當然唔係，因為始終會影響到股東盈利，但用錢解決到嘅就唔係大事。」但他指若滙控美國業務遭釘牌，影響則屬災難性，因為除了放棄當地業務外，同時亦會窒礙集團與在當地的公司合作，如花旗等，「隨時會變做一間localbank」，不過他認為釘牌機會極微。
時富資產管理董事總經理姚浩然則表示，市場負面情緒漸消，金融股造好，加上估計滙控是次只是一次性罰款，股價料繼續硬淨，並指「以佢嘅能力應該可以應付」。