【本報訊】樂壇天后容祖兒戀情，竟被醉漢擺上枱。滿身酒氣男子昨晨於一輛停泊在跑馬地路邊的積架房車上「大覺瞓」，車號長響，巡經警車查看，叫醒車內男子要求出示駕駛執照及身份證被拒；雙方擾攘個半小時後，男子終被勸服但拒絕接受酒精測試，其後被捕及送院檢驗。他登上救護車時自言自語：「有乜好影呢？我又唔係容祖兒條仔！」
拒接受酒精測試被捕
涉事男子38歲姓陳，昨凌晨二時許，一輛積架房車泊在銅鑼灣道近禮賢街慢線，車內有一名男子於車廂內睡覺，其中一隻腳擱在軚盤上壓住響按長響；一部警車巡經發現，警員下車叫醒陳，陳甫開口已傳來大陣酒氣。警員要求他出示駕駛執照及身份證，惟陳不合作，又拿出手機拍攝警員，其間更「發牢騷」：「乜嘢都摷晒出嚟，可以畀你哋嘅都畀晒！」但事主根本未有出示身份證。他又不滿記者拍照，對警員「發爛渣」不肯下車，「因為我覺得人身保險（護）受到好大侵害，佢哋（記者）喺度閃緊（拍照）！」
擾攘個半小時，陳被勸服，但拒絕接受酒精呼氣測試，其後被捕及送院檢驗，他被帶上救護車時自言自語：「有乜好影呢？我又唔係容祖兒條仔！唉，呢單嘢仆街啦！」