倫奧期間講到明交通會超繁忙，唔少地方都會實施交通管制，所以當局都一早叫大家幫幫忙搭公共交通工具。不過，今次逼巴士又逼得幾過癮，因為今年初起至殘奧閉幕期間，當地搞咗個「BusTops」計劃，在倫敦市中心同周邊共30個巴士站上蓋裝設了紅黑色的LED顯示板，播放過百幅由當地藝術家設計的圖案或者短片，唔少都係同奧運有關的標語。最好玩的地方係全世界都可以參一腳落手畫，只要上佢地個網站（www.bus-tops.com），就可以上載圖片和短片，仲可以用預設的程式一點一格慢慢畫，之後就有機會在其中一個巴士站出現，實行全球起動齊參與，同奧運無分你我世界大同的理念如出一轍。
記者：姚子浩