有「波浪大師」之稱嘅中信証券國際董事林一鳴果然言出必行，佢早前按照波浪理論估計恒指喺下半年有機會出現熊市三期，終極一跌，恒指到時可能插落萬七至萬八點，照咁睇，家都未係買貨時，佢於是繼續買磚頭。
根據資料，林一鳴今年3月用6100萬買入淺水灣道5號詩禮花園一個面積2363平方呎嘅高層單位，上個月再用6900萬買入同座低層單位，即係半年內用成1.3億買磚頭。
林一鳴最早喺95年已經用1998萬買入一個詩禮花園嘅低層單位，家估值6000萬，升值兩倍，佢同時又揸住陽明山莊兩個單位收租。唔知佢係咪同樓市大好友兼新任行政會議成員林奮強好老友㗎呢？