有時買車不只要配合自己個性，還要照顧埋伴侶喜好，如她是美白一族，就千祈唔好買開篷；反之，愛曬太陽的話，就要買部好似今次的SubaruForester，有天窗兼車廂寬敞，仲要夠Wild。乜Forester都算咩？這部夏日特別版，真係車身小改變，野性盡展現。
記者：蕭漢祥
攝影：譚盈傑
Model：RubyLau@In-ModelManagement
全車大包圍更剛強
以下故事為真人真事：話說身邊一位朋友的女友性格活躍好動，攀山涉水無不喜愛，但好衰唔衰這朋友偏偏買了部非常傳統又斯文的房車，女友莫說要越嶺狂飆已經不行，就連在車廂內感受一下開揚感覺都無，最後當然被迫換一部全能戰車。就好似富士今次推出的Forester夏日特別版，簡單來說就是Facelifted版本，不過再加上車如其名，Forester能夠穿越森林環境的四驅車，打正旗號要你Wild。
今次主角稱為ForesterSummerEdition，從遠觀看差點認錯是富士旗下另一款車，因為印象中的Forester車形較為圓潤。今次特別版加裝了頭唇、車身裙腳及尾唇，將整個車身線條拉直，並且進一步擺脫第一及第二代Forester那種較高底盤設定的格局。論外形的確硬朗剛強了不少，但大包圍卻縮減了離地高度，變相削弱了原來的越野性能，想Wild睇怕要遷就一下。
全開式大天窗
搵得Forester加工變身做夏日特別版，當然有原因。其實早於它的誕生已被定位為旅行車與SUV之間的款式，既有寬闊的車廂空間，亦有兩公升水平對向引擎及全時間四驅系統，用來遊山玩水最適合不過。而且前排擁有開揚天窗，完全滿足女友想一邊郊外自駕遊、一邊曬太陽的欲望。另外，這個2012年版本改動了的空調控制平台，升級為雙區空調及液晶體顯示屏，控制車廂溫度易如反掌，就算女友有極矛盾的要求：既要流動車廂日光浴，又要舒舒服服凉浸浸，都得！
Forester2.0XS（SummerEdition）
引擎：1,995cc水平對向四汽缸
馬力：150ps/6,000rpm
扭力：20.2kg-m/4,200rpm
傳動：四前速自動波連+/-，全時間四驅
售價：$288,000
查詢：25112727（MotorImage）
