李克勤大前日去咗澳門一間私人會所做騷搵銀，克勤當日除咗唱出多首佢嘅首本名曲之外，仲唱咗佢近期嘅歐國盃主題曲《決戰草原》，克勤又好識做咁邊唱邊將有自己親筆簽名嘅小足球送畀現場觀眾，令到現場氣氛高漲。克勤話下個月會出新唱片，主題會以大人嘅兒歌為主，例如講珍寶珠同大富翁等，夠晒得意。