嚟緊會出新書嘅黃百鳴，噚日喺新城接受訪問兼宣傳，今次呢本書係講述15年前佢幫太太抗癌嘅故事，佢相信普通人睇到都會有鼓勵性，仲話自信同正能量好緊要。15年後出呢本書，黃百鳴話太太癌病係百分百康復，黃百鳴話：「本書會講當時搵咗中、西醫或者氣功幫太太，但最緊要都係佢要有樂觀態度面對，只要冇恐懼，其實已贏咗一半。」