Safit父親早年在港落地生根，操一口流利廣東話，在清真寺任職管理員，靠月薪8,000多元支撐全家。一家四口住500呎的公屋，生活捉襟見肘，為了救回孩子，別人說好的，他都嘗試，「有人話芒果汁好，我又畀好多芒果汁佢飲；叫我拜邊個神我都拜，話要半夜拜，所有人瞓咗神先聽到，我又照做，呢個問題（治病）我諗到黐咗線！」
愛兒每天徘徊死亡邊緣，作為傳統伊斯蘭教徒的父親，從前對兒子管教甚嚴，深怕兒子不顧安全，踩單車會樂極生悲。如今他卻多麼渴望兒子能再次坐上單車，「舊年仲玩好多嘢，家去廁所都去唔到……佢想玩電話、玩電腦都畀佢啦！」家人的關係也因此改變，話題離不開Safit的病，擔心去年一家人高高興興踏單車的日子不復再。
爸爸坦言在無計可施下，打算送Safit回巴基斯坦等候換肺，「嗰度好多小朋友死，可能機會大啲！」但Safit擔心家鄉醫療設備落後，更害怕在七小時的飛行途中，呼吸機出現問題。
《蘋果》記者