韓國人氣樂隊FTIsland前晚於亞博館開騷，五子鬥講廣東話，李弘基不時無厘頭地說：「好呀，好呀！」但發音卻變成「河呀，河呀！」而宋承炫就失驚無神叫眾隊友收口，爆出一句：「唔使講咁多嘢啦！」令全場爆滿的4,000歌迷笑到碌地。
額頭貼布條
當FTIsland唱《告白》時，歌迷舉起寫有「永遠在一起」的白布條，基仔被感動到眼濕濕說多謝，更走落台拿布條。到《FlowerRock》一曲時，基仔叫歌迷坐低，然後再齊齊跳起，氣氛高漲。尾聲時崔鐘勛搞鬼地將布條貼在額頭，基仔就將它放在腋下。五子昨日離港港時又再帶備頸枕，方便上機眠一眠。
採訪：梁婉霞