葉蒨文（沙麗）9月在紅館舉行三場「葉蒨文完全是你演唱會」，她昨以大露背裙到尖沙嘴出席記招，今次沙麗挑戰拉丁舞，更跟隨兩位俄羅斯導師上堂，她笑說：「香港冇舞蹈員舉得起我，得佢哋得咋。」
今天是沙麗跟林子祥（阿Lam）結婚16周年，老公設計寫上「IntimatelyYours」（沙麗個唱英文名）畫框預祝她個唱成功。問沙麗怎樣慶祝？她說：「我夜晚八點約咗人打波，睇佢約唔約我食飯，點支蠟燭食餐飯。睇佢記唔記得，除爸爸媽媽外，佢對我最好。」會否有驚喜？沙麗笑言：「好耐冇驚喜，有年情人節問佢有冇禮物，佢話日日都係情人節使乜禮物。」談到排練拉丁舞，沙麗說試過被抱起時摔倒，她又笑阿Lam連曬太陽也會暈，很難叫他上台跳舞。
採訪：馬建華
攝影：葉君海