陳豪早前為聖安娜月餅拍廣告，有關方面用七位數字製作，又動用超過30位工作人員。陳豪一拍就拍足三日，由早到晚，難得佢冇任何怨言。講到月餅，陳豪話：「我係舊派人，比較鍾意食傳統口味，呢啲叫oldschool。」陳豪又話好鍾意中秋節，佢話細個試過因百厭玩煲蠟，搞到甩皮，好彩唔係塊面，唔係家就唔靚仔。