總是家長、老師為孩子挑選看甚麼書，且聽孩子怎樣說。兩個「行路唔睇路都睇書」的女孩，一個愛看科幻，一個愛武打，都未必是父母的心水書。不過，小女孩堅持己好，捍衞閱讀小天地。
小四的鄧凱藍剛獲學校頒授閱讀榮譽大獎，「因為睇咗300幾本課外書嘛」。她沉迷書海，「有時要阿媽提我食飯」。對精神食糧，媽媽也有意見，「叫我睇多啲散文、認真嘅書，但我都係鍾意睇衞斯理，尤其《藍血人》。」
凱藍說閱讀像走進另一世界，「梗係揀個得意啲世界啦，衞斯理啲科幻世界好刺激」。她最近開始看《三國演義》：「媽咪都係想作文好啲啫，其實睇咩書都有幫助。」
小時候媽咪常在紀均枕邊說故事，如《白雪公主》。小四的她說，「都幾好聽但短得滯，內容又太簡單」。她小一時已叫媽咪買中英對照《乞丐王子》、《劫後餘生》。
她去年看了電影《哈利波特》後迷上小說，「啲魔法好得意，一口氣睇咗中、英文書總共14本」。父母心中的白雪公主最近還可能會改當「打女」，因為迷上金庸小說，「《射鵰英雄傳》主角郭靖識降龍十八掌，功夫好叻。呢個暑假我會睇《鹿鼎記》」。
《蘋果》記者