去年奪得新城勁爆躍進獎的女歌手張靈，也曾參加過自我提升課程，卻被告知「屋企人過身都唔夠上堂重要」，令她十分氣憤。
分享經歷反被指摘
張靈於一年多前參加了尖沙嘴NextStepAsia公司辦的課程，她說：「嗰陣我上第一階段，要連續上五日堂。去到第三日我有親人過咗身，結果就冇上到。點知佢哋係咁狂打電話嚟催我返去上堂。仲話屋企人過身都唔夠上堂重要，聽完之後我真係勁嬲同勁唔開心！」
與她同班的一名學員表示，課堂上有一幕，是導師要求學員分享個人不快經歷，一名港大女生分享了自小被父母虐打，「點知個導師話係佢（女學員）自己嘅錯，話佢自己冇嘗試令父母愛佢，結果個女仔喺60幾個人面前喊到失控，好明顯已經崩潰」。本報向NextStepAsia查詢及要求回應，至截稿前未獲回覆。
《蘋果》記者