【本報訊】民陣及香港人權監察等團體，昨在旺角行人區舉行論壇，痛斥警方濫用胡椒噴霧及大型水馬打壓示威活動，阻止示威人士表達訴求。香港人權監察總幹事羅沃啟批評，警方做法損害公民權利，促請警方及監警會檢討現行守則。
羅沃啟指示威區越來越狹窄，施放胡椒噴霧必定傷及無辜，「唔係個個都係激進分子，在場仲有記者、好多和平示威者，好似學民思潮啲同學仔，見到放胡椒噴霧，想走但走唔切。」他指警方說以往的細支裝胡椒噴霧，與大支裝屬同等武力的說法荒謬，「以往『中椒』嘅示威人士，清洗後30分鐘就冇事，但家係幾個鐘，甚至一日都未退。」他又說近距離施放大劑量胡椒噴霧，刺激性成份進入示威人士呼吸系統的機會甚高，難稱「低度武力」。
示威人士無法表達訴求
支聯會成員關振邦稱，目擊有警員在水馬陣外，伸手入示威區內對準個別示威人士面部發射胡椒噴霧，做法過火，「兜口兜面對住長毛塊面噴，明顯係針對。」此外，警方以兩噸重的大型水馬包圍示威區，亦令示威人士無法表達訴求，「根本唔似示威，似困喺個籠度，喺入面舉牌，外面嘅人睇唔到」。關振邦指警方做法已超越維持秩序的本份，是蓄意打壓示威。