由同一老闆擁有的兩間藥房「信安」和「富康」，均位處時代廣場附近的黃金地段，多內地遊客幫襯；店內藥材瓶同樣用金色細小反光字來列出「錢」或「両」。
記者進入富康藥房發現其中一款體積頗大的石斛，竟標價2,980元一錢，即29,800元一両，比一両黃金巿值約16,250元還要貴。但同區藥房出售同類石斛，最貴僅2,200元一両。
香港海味雜貨商會主席麥澄波表示，石斛並非貴價的藥材，平均價錢是二、三百元一両，最貴的也不會超過一千元一両，「石斛最出名嘅喺霍山石斛，我唔知乜嘢叫做金石斛，亦冇見過幾千蚊一錢嗰啲，點會用錢做單位㗎？」
波叔稱有店舖窺準內地客逢大必好的心態，將石斛加工變大作招徠。其實石斛非以大取勝，前香港大學專業進修學院中醫藥學部副教授陳日升指「石斛係一種全草植物，外形似鹹水草，曬乾後綁成球狀，有人鍾意圈到好大，其實係手工藝，同藥用價值冇關。」《蘋果》記者