雲想衣裳：中男賣袋　弄假成金

女人對於手袋的熱愛，放於任何年代或年紀都適合。看看甚麼乜乜站，只買賣二手Hermes、Givenchy、Chanel都可以上市，你便知女人錢易賺。親民一點，只印上名袋FakePrint原來一樣令女士瘋狂，幾百蚊便「唾手可得」之餘，更道出幕後老闆Stanley的「男人四十一支花」的故事，雖則你的焦點可能只落於手袋身上……

記者：雷福財
攝影：蔡家輝
模特兒：Reila@StarzPeople
化妝：Jojo
髮型：[email protected]

金融風暴後創業

■黑色立體手袋FakePrintTee$220/a、橙色半截裙$250/b、黃黑色蛇皮Print袋$790/a

若說名牌手袋是女人的寶貝，對老闆Stanley來說更是人生的黃金。47歲的Stanley，創業前本已擁有香港人所謂的靚「沙紙」，91年畢業於英國伯明翰大學的金融系碩士，回港後做銀行業，應屬大好前景，只是97過後，從最蓬勃走到最倒霉：「第一份工喺中銀做，起薪$9,000，之後一做就七、八年，嗰幾年生意越做越大，都搵到成三、四萬一個月，但一場金融風暴，大圍開始冧市，好多生意客戶破產，於是銀行要追番數，嗰時壓力真係好巨大。好記得有次喺茶餐廳見到啲侍應仲好開心咁刨馬，嗰刻我覺得做人最開心係唔使同錢掛鈎，於是就好灑脫咁離開呢行。」

■Mousse老闆Stanley

■幾十呎小店，雖一眼望晒，但勝在手袋夠多款。

三零部隊接定單

放棄高薪厚職，Stanley自稱是「三零部隊」，零資金、零產品、零技術，膽粗粗攞住批中國製的手袋飛到德國、美國做展銷，以中間人身份賺佣同時間打開了做FakePrint之路。「2000年我跑到美國洛杉磯做埋ColdCall四圍搵客，咁啱有個美籍韓人問我識唔識做呢種FakePrint手袋，為搵錢咪扮識，再搵廠印囉。初頭印出來效果雖然麻麻，但一完成，佢哋就即落單即送走，原來喺美國呢種FakePrint好Hit。之後我便試將印Tee技術用喺手袋，效果原來更好。幾年前喺韓國、台灣同日本都流行呢類名牌FakePrint袋。」兩星期前，更於TheONE商場開設第二間Mousse專門店。

■黑色GotMilkFakePrintTee$260/a、綠色Safari系列孔雀毛手袋$790/a、黑色花Print短裙$590/c

■限量版奧運系列英國國旗手袋未定價（七月下旬推出）/a、粉紅色短裙$590/c、
黑色雪紡長裙$890/c

月賣300個袋

以商場開舖是Mousse行銷之道，無懼租金貴一點，務求多女人行。舊年以一田百貨為臨時試點，兩星期後銷售情況已令商場提供長期位置，月賣至少300個袋。
手戴價值40多萬的Rolex鑽石Daytona，反映Stanley的確搵到錢。「家公司請咗四個設計師幫手設計新款，每季每個系列都會出三至四個新袋，加起大約有幾十個，由ToteBag、BabySize、化妝袋等都有，但會繼續以FakePrint為主，好似今年都特意推出兩個奧運版手袋。」