香港書展下周三（18日）殺到，今年缺少有份量模撐場，群鳳無首，幾個山頭囡囡各自飛，造成大量寫真湧進市場，一時間花多眼亂，加上後天化妝技術如出一轍，一堆囡囡都分不清邊個打邊個，大抵只有還原她們的原貌，才可讓讀者選擇「買」定「離手」。
對於寫真與原貌有出入，媽模Mia死撐舊照非自己，她昨日在電話中說：「明顯網上嗰啲所謂舊相係造假，係高登仔修圖屈我，Angelababy夠有百幾個樣。」黃榕則說：「我全身都純天然，我一啲都唔怕俾人翻舊賬，我成日都將舊相放上facebook，我係整容都唔會塊面仲咁包包啦。」但她拒出素顏寫真：「寫真集係將最靚一面show出嚟，梗係唔好素顏去影。」而Cammi則說：「我一啲都唔怕，我仲發育緊，女大十八變有乜咁出奇，如果唔變就要拎佢去做化驗，睇佢食乜嘢防腐劑。」Cammi不敢真面目拍寫真，她有自知之明說：「我驚冇人買。」
採訪：蘇芬妮
Mia怒火焚身
23歲 32C、23、32
忘記機械人年代吧。媽模Mia回歸自然懷抱，一時拿紅白手鈪放上頭頂扮SailorMoon，一時扮憤世青年怒目對夕陽，好熱血呢。
Cammi走樣學生
17歲 32B、24、34
查實有幾多人想睇NelNel出私密日記爆Edison性史？相反早年Cammi稚氣未脫，樣貌也未變成鬥牛㹴，同樣穿校服，但順眼好多。
Iris打造索樣
24歲 35E、25、35
ECup超蓮身家雖未及正貨，但家住淺水灣億元獨立屋，花錢化妝絕無問題，最厲害連高登至愛的酒窩都整到，相信今後肯定越來越索。
仙樂都降龍升呢
30歲 32D、24、34
塞翁失馬，若不是慘被龍心抽水，相信仙樂都也不會有人認識，更遑論有機會出寫真。查實上世紀仙樂都已出道，但個樣肯定冇人會認得。
Phoebe靠癦認人
23歲 34D、25、34
宅男認得出Phoebe的34D，五官卻未必。當年面呈方形腮骨凸凸，加上騎呢化妝，令雙眼隔開成里遠，若不是下巴粒癦，根本以為是兩個人。
Gloria排骨熟女
31歲 34B、23、34
熟女終極全裸博翻身，成敗暫未知，但黃榕N年前也出過寫真，當年還有肉地的她，頭胸腹渾然天成圓碌碌，反而有份甜姐兒味道。
LavinaV煞回歸
25歲 34E、25、36
匿埋水底兩年的Lavina近日浮面，又話要出寫真，今次五官來個大執位，全因注射Botox之故。不過大家最記掛的，還是她當年大鬧會展。
Monna返老還童
24歲 34E、24、33
混血E神Monna越大越young，且看06年她參加工展小姐時的照片，十足大嬸，混血味也未現，怎料到今時今日可在模堆中鶴立雞群。
ArYu高貴失守
23歲 32D、24、33
ArYu早前狂寸Phoebe的寫真cheap，當年她拍下的又的確高貴得多，尤其雙手叉開高低膊的指定甫士，風韻猶存，甚有熟女風範。
MeiMei苦瓜歲月
23歲 32B、24、33
正所謂模莫問出處，正如今日十足王祖賢倒模的MeiMei，也有做龍模的日子。當時的她扮cool表情僵硬得猶如死屍，苦瓜乾認真唔討好。
Rainbow早歷滄桑
20歲 32B、24、32
唔講唔覺，Rainbow經已是第四年出寫真，20歲女已好像看破世事的模樣，老態乍現。若重溫她穿校服的清純樣，是否倍感青春的可貴？
Naomi緋聞女王
27歲 32C、24、34
因傳搭上李思捷而有幸再見報的落選亞姐Naomi，借勢出寫真，隨書附送底褲。大家看看幾年前的她與Purple嬸嬸幾乎似倒模。
Celia彈鐘女神
24歲 32C、24、22
在模界打滾多年的Celia，最近因拍攝電影《一路向西》響朵，順勢推出寫真無往而不利。不過昔日的她樣子極平凡，肯定俾向西彈鐘。
終極人辦：誇啦啦Baby
醜小鴨變天鵝並非童話故事至有，模鼻祖Angelababy可算是終極人辦，當年的她孖膶腸嘴兼哨牙，跟「索」字完全扯唔上關係，點知越大越靚，憑天然靚靚下巴仔加一雙娃娃大眼，攀上女神寶座，廣告、電影排山倒海而來，近年連寫真都費事拍，出騷行行企企錢從天上來，咪話唔盞。難怪後起模個個趨之若鶩，爭做童話故事主角。
