循道衞理觀塘社會服務處臨床心理學家陳韻玲指，評估顯示藍天屬整體發展遲緩兒童，即身體協調、語言表達及社交能力比同齡差，惟一直未被父母及教育團體發現。「藍天父母4歲先同佢驗眼，起初以為佢只係近視配眼鏡，直至近日先發現其實係嚴重弱視，戴眼鏡都冇用。又例如父母一直以為佢智力正常，經評估先知佢嘅智力屬低弱水平」。
負責跟進藍天個案的該會社工廖嘉敏慨嘆，「曾經有不少專業團體服務過佢，都冇掌握到佢嘅實際情況，令佢及早得到治療，當日對家長嘅支援亦唔足夠」。廖姑娘又指，藍天情況特殊，卻只屬冰山一角。她稱特殊兒童身體問題，家長確不易掌握，「好多時父母意識唔到小朋友身體機能問題，仔女做嘢手腳慢，就以為係懶，對佢哋有錯誤期望同要求」。
提醒家長勿掉以輕心
她提醒家長勿掉以輕心，如發現子女的發展與同齡兒童有距離，應及早求助，接受檢查，以免錯過治療的黃金時間。
《蘋果》記者