鄭裕玲（嘟嘟）主持的無綫節目《迎海尋珍奪寶》，昨日在青馬大橋觀景台拍攝最後一集，邀請了湯盈盈、鍾麗淇、洪天明、方力申和楊思琦等做嘉賓。
湯盈盈邀請好友鍾麗淇做昨日的拍檔，她笑謂鍾麗淇一向好動，是最適當人選。湯盈盈近期也受好友感染，漸漸感受到運動的好處，見她昨日輕易做出擘腿動作，筋骨相當柔軟，盈盈說：「早排經常行山，行得多氣都冇咁喘，仲覺得身形靚咗。」
問湯盈盈其男友錢嘉樂可有讚美？她尷尬表示沒有。另外，有讀者報料指盈盈早前與嘉樂去了蘇梅島旅行，還拍下兩人撐枱腳的照片，盈盈對此直認不諱說：「係呀，普通度假啫。」
由於昨日天氣炎熱，向來愛美的嘟嘟準備十足，包括太陽眼鏡、防曬用品和太陽傘等，嘟嘟笑說：「我真係怕曬怕辛苦，短期內都唔會再拍呢啲外景，以後只做室內有冷氣嘅嘢。」
採訪：張俊銘
攝影：陳慧安
