Mia被高登仔狂插

夏天係模出動時，新8模同莊思敏噚日喺上環出席寫真展覽兼寫真發佈會，媽模Mia以低胸女警look現身最性感，前日佢啲極品舊相曝光，佢屈高登仔改圖，搞到班高登仔狂插高呼「而我不知道Mia是誰」，噚日Mia仍死撐話張舊相係畀人改圖，仲話相中人的確係佢，但五官唔同晒，又發火話：「喺網上好難搵到元兇，我都想問啲人點解改我啲相。」又誓神劈願話自己冇整容。

Mia揸支槍扮女警，又大鬧俾人改圖搞到面目全非，唔通佢諗住向高登仔反擊。

就係呢張舊相，Mia話五官俾高登仔改晒，但其實係咪佢自己改咋！

ArYu寫真其中一張相仲疑似露暈，而家啲模用嚟用去都係呢招！

此外，Cammi喺另一個場合就突然玩跣低搶鏡。Cammi寫真走純情路線，但都有張透黑底嘅相益街坊。
撰文：洪紅克
攝影：黃文偉、仇志德

呢啲所謂新8模，大家識幾多，過完書展又有幾多個可以留低呢？

Cammi噚日喺西九龍出席寫真發佈會，仲用不遜阿Sa嘅歌喉唱歌，又突然跣低搶鏡，之後就面懵懵起番身。

Donut成員ArYu都着晒比堅尼啦，不過對住Cammi玩跌低都冇符。