【本報訊】畢業即失業，不法分子趁暑假一眾畢業生急於搵工，以「超級筍工」，甚至假借「招募速配『做媒』」為名，招募港人假結婚，標榜簽個名就賺7、8萬元。不過，假結婚可招致牢獄之災，最高可囚14年。記者：伍雅謙、林賽香
近月網上出現多個巧立名目的招募假結婚廣告，從招攬手法看，似是超過一個假結婚集團，當中包括「招募速配『做媒』」帖文，聲稱每小時最多賺300元。
本報女記者自稱21歲留電話報名後，接獲一個內地號碼打來的電話，自稱是負責人阿偉。他指速配活動已滿額，問記者是否等錢使，然後二話不說游說記者：「我哋搞緊其他嘢，可以賺禮金。」記者反問：「禮金？即係假結婚？」對方掩飾說：「唔係，只係用結婚、婚嫁形式賺錢，好多等錢使嘅大學生參加㗎！」
即簽婚書獲三萬元
阿偉指手續簡單，會安排記者到內地與掛名「老公」見面，互相了解基本資料，以免被入境處識破，即日雙方簽妥結婚文件，記者即獲三萬元現金，「你冇信心嘅話，我哋可以畀錢你睇先，然後簽名都得」；返港後，記者需親自將有關文件交到指定律師樓辦理手續。
他強調，「婚後」雙方互不往來，只會每年見面一次，每次獲8,000元「續約費」，直至3年婚約滿後便可得「分手費」二萬元；換言之，可共得七萬多元。阿偉見記者猶豫，便說：「大陸人好有錢……都會喺香港投資，唔會拖你數。」更謊稱：「你同大陸人結婚，之後再同香港人結婚，香港係查唔到，你真正嘅老公唔會知。」
此外，網上也有扮成「超級筍工」的廣告，以「現金出糧、大量招聘、20至60歲、男女不拘、即拿幾萬、色情免問」或「急聘女20歲以上、現金即日出糧、80,000元起、不是夜場（非色情）」作招徠，並公開貼出一個本地電話號碼。
記者致電查詢，一名自稱姓陳的男子接聽，開口便問記者年紀，隨即指工作內容是「做結婚」，輕描淡寫地解釋：「好簡單，即係你同個人結婚囉，唔使一齊住嗰啲嘅，去到律師樓就收錢，之後離婚囉。」前後可獲七萬多元。
串謀欺詐可囚14年
「你有冇工作證明？有嘅話可以同外籍人士結婚，價錢高啲，因為本地人同外國人結婚要睇好多嘢。」他補充，3年後便可回復單身。全程未有半句提及假結婚會觸犯法例。
入境處表示，於2006年成立專案小組，截至今年4月已成功檢控逾1,200名涉及假結婚的人士。根據法例，任何人士干犯串謀欺詐罪，最高罰款15萬元和監禁14年。