10月才47歲生日的郭富城，前晚在尖沙嘴出席太陽眼鏡活動，他自爆有一副價值10萬元的黃金鑽石眼鏡，最近又買了一架紅色開篷跑車做生日禮物，更會掛上他的天王車牌SKY。
郭富城、文詠珊（JaniceMan）、徐濠縈和模何思諺等，前晚在尖沙嘴出席CARRERA太陽眼鏡活動，Janice穿上腰位開洞的背心，認真透心凉。郭富城姍姍來遲，他表示自己儲了過百副太陽眼鏡，其中最貴是10萬元的金、鑽石眼鏡，他說：「唔可以戴出嚟，因為好重，家放喺夾萬，係生日時一間大公司送。」
「會掛SKY車牌」
問城城有沒有送眼鏡給女友熊黛林（Lynn）？他即轉話題，一向愛玩靚車的他今年10月才到47歲生日，但他已豪買法拉利給自己做禮物，他說：「我有個秘密想講畀大家聽，我訂咗架開篷跑車，係紅色，襯埋我身上嘅眼鏡就一絕，會掛SKY車牌，當係慶祝自己生日，其實我呢幾年都少買車，之前拍戲好辛苦，上個月咳足成個月，買架車當獎勵自己。」問到女友Lynn一樣好耐冇換車，城城即拒絕再談。
陽光妹黐王維基
另外，去年跟樂隊MR.鼓手Tom奉子成婚的陽光妹何思諺，產後肥了不少，她透露囝囝已5個月大，她已簽約王維基，會拍劇搵奶粉錢，她說：「仲有10磅未減，前幾日試造型度身，成30吋腰，好彩我喺套劇入面係做護士，都OK。」她指開刀生難收身。
採訪：梁錦雯
攝影：黃文偉