五月天主音阿信，噚日單拖同台灣藝術家不二良現身尖沙嘴為當代藝術展舉行開幕活動，阿信一個人嚟出席，但都吸引咗近600個fans撐場。阿信嚟香港三日主要為藝術展及自家創作品牌宣傳，品牌店舖喺東京同上海開分店，香港都有兩間分店，會唔會再喺香港開分店？阿信話：「當然想，但店舖租金很貴，仍努力賺錢中，希望大家多多支持。」