卓韻芝同陳刀噚日去到上環信德中心宣傳「小熊倫敦遊」展覽活動，阿芝曾經喺英國留學，對英國都好熟悉，而向來感情生活多姿多采嘅阿芝，除咗鍾意同外籍男士交往外，日前又同韓國型男一齊去沙灘，轉口味鍾意泡菜男，但佢噚日否認泡菜男係追求者，仲話：「我都係聽劉德華講，盡香港好客之道咋，不過事後先知道佢身形咁大隻，啲肌肉好靚。」