曼城嘅意大利國腳前鋒巴洛迪利經過今屆歐國盃後，由「腦殘」升為「巴神」，級數不能同日而語，就算前女友拉菲娜身懷可能係佢嘅骨肉，佢都一於少理，仲要拉菲娜做咗親子鑑定先講。喺呢個夏天，21歲嘅巴神就好識得燃燒青春，淨係周圍去嘆世界同媾女。
早前，佢又走咗去西班牙度假，同行嘅除咗佢嘅同性朋友之外，當然唔少得樣靚身材正嘅索女啦！睇佢哋玩水上電單車玩到忘晒形（圖），真係名副其實我愛夏日長。
