【本報訊】今年7.1遊行有不少團體擺街站宣傳，當中包括由一班中學生和大專生組成的「反大圍站上蓋建屏風樓關注組」。他們無政黨背景，亦不是社運常客，走在一起全因對大圍近年發展「睇唔過眼」，發起人黃穎質疑：「點解政府發展每個區都一定係屏風樓加大商場？」
記者：林浚川
從前大圍有單車場、燒烤場，還有大型遊樂場，是市區人放假遊玩熱點，但自從港鐵大圍站上蓋建了屏風樓後，大圍由外觀到區內居民生活都有劇烈變化。自小在區內居住、現就讀城市大學的黃穎，去年在facebook建立關注組，「大圍由過去一個好完美嘅新市鎮，倒模將軍澳模式，變晒高樓住宅，冇晒休憩空間」。
地產代理逼走小食店
大圍港鐵站上蓋各期物業落成後，將組成延綿兩公里長的屏風樓，大圍站上蓋物業招標最近流標收場，關注組希望港鐵重新規劃。黃穎指因應新盤名城落成入伙，附近道路和行人路重新規劃，部份單車徑消失，大圍特色逐步退減，面對大圍站的村南道變成「地產代理街」，逼走原來的小食店，關注組另一成員、應屆文憑試考生林智飛說：「家大圍買串魚蛋都貴咗，由5蚊變成8蚊。」經營髮型屋的Dennis擔心捱貴租，「只能見步行步，遲啲加租再算」。
開業近25年的金城茶餐廳位於大圍火車站附近的橫街積富街，招牌菜是椒鹽豬扒飯，第二代老闆李先生指大圍發展未見其利先見其害，他即將要與業主洽商續約，若加幅驚人，「想唔加價都唔得」。
老牌食肆成豪客飯堂
大圍以前有單車公園和青龍水上樂園，位於火車站對面的新華南單車店，便經歷過那個風光年代。負責人華哥表示，隨着大圍站上蓋新盤落成，單車客買少見少，「你去踩單車都係想去郊外地方，呢度變晒高樓大廈人又多，畀你踩都冇癮」。
大圍老牌食肆新強記，成為鄰近新樓盤名城住客的飯堂，尤其是內地客，負責人趙先生形容：「佢哋唔問價錢，最緊要係靚嘢。」現時晚市有約兩成客是內地人，為招呼這班豪客，新強記近年多賣龍蝦和鮑魚等貴價海鮮，「最怕客人嚟到冇好嘢畀佢哋食」。新強記能夠頂得住大圍變天，其中一個重要原因是自置物業。