一年一度HelloKitty展又到！今年主題係HelloKittyinOz-TheLostChapter！巫師吉蒂誤信2012是世界末日，撕去了12年天書章節，搞到Oz機械全部Hang機！你身為綠野仙蹤勇士，任務係陪住吉蒂，尋找失落的章節，以玩遊戲勇救世界秩序！
記者：張文蕙
攝影：陳盛臣
Model：Irina、Tan@PureModels
帶吉蒂出外叉叉電
如果你係購物狂，其實可以跳過所有遊戲部份，以較平參觀門票直接購買會場限定紀念品！今年款式勁多，而且實用性甚高。當中首推立體巫師吉蒂手機充電器，這時你是否想將平凡無造型嘅「尿袋」換走？
第一關
斬木頭 考反應
進入Oz世界！勇士們會獲派一個巫師打扮的HelloKittydevice，用作啟動場內遊戲，兼儲存積分。甫走進Oz世界，滿眼是童話式村莊，有趣的是地面因失序而捲起了。場內共有七個關卡，第一關是「WoodFactory」，勇士需手執銀色蝴蝶大斧，幫手劈木頭，但當有花花出現，便要避開不劈；這個遊戲需要集力量、反應及判斷力於一身！
第二關
避農夫 救稻草人
「TheWarehouse」是身體郁動最多的遊戲！限時內，勇者需趁農夫小睡合眼之際，救出稻草人！訣竅是每次農夫張眼時，你要找遮蔽物躲藏起來，被農夫發現三次便GameOver！溫馨提示，其實周圍好多高聳的稻草堆，要識利用！
第三關
尋找鐵甲人的心跳
「TinMan'sHouse」好考耳力挑戰！進入鐵甲屋後，用device開啟遊戲，螢幕會顯示一圖示，你需於限時內，在鐵甲屋尋找相應圖示；如果你敲敲佢，家具會發出「心跳聲」；在離開屋子時選擇同樣的心跳韻律，就能將心臟送還鐵甲人！
第四關
獅吼功 嚇樹妖
「TheDarkForest」需要巨大的膽量與聲線；Irina入到漆黑森林明顯有啲怕，用device開啟遊戲後只見處處樹影及一對對兇惡的眼睛，這時英明神武的Tan以獅吼功嚇走樹妖；Irina效法時卻聲線太弱，惹得樹妖嘻嘻取笑，場面認真搞笑！
第五關
燒支靚粟米
玩咗咁耐，勇者與巫師吉蒂也餓了！在「CornHouse」，勇者要看着營幕燒粟米，再用手輕撥壁爐木頭，以控制火路，只要於限時內燒出一條惹味粟米就是勝利者，如果唔小心燒燶咗，當然會扣分啦！
第六關
記塔羅 開寶箱
勇士們來到「KuromiTent」，終於找到由黑女巫以神秘黑力量封鎖的寶箱，只有打開寶箱才能順利尋找失落章節。勇者們需留意螢幕上稍縱即逝的塔羅牌排列；因為佢消失後，你要按順序排出嚟先過關！
第七關
踏着Kitty 重組章節
來到打大佬的「EmeraldCity」，吉蒂癡會瘋狂尖叫，因為有一隻巨型吉蒂，正等你爬上去、如機械人般操控！這時屏幕上，會出現失落章節的文字，見到相對應英文字，就將槓桿推向On，相反出現怪碼就要Off，咁你就可成功全破關！
破關！
將HelloKittydevice帶走
成功全破關，除可獲精美明信片外，連巫師造型嘅HelloKittydevice也可帶回家！而且會因應你闖關所得分數，再換取不同配件，包括衣服、尾巴、帽子等。
HelloKittyinOz-TheLostChapter
參觀門票：$60-$135
遊戲套票：$260-$335
地點：九龍國際展貿中心
日期：19/7-5/8
時間：11am-8pm
查詢：26203413
只限網上購票： http://www.HelloKittyinOz.com
