【本報訊】特首梁振英在參選時提出「港人港地」政策，惟新班子上場後隨即「轉軚」。有立法會議員昨追問政府何時推出「港人港地」政策，運輸及房屋局局長張炳良指將以資助房屋照顧市民置業需要，被質疑梁振英受地產商壓力，令有關政策胎死腹中。
劉健儀：可能怕咗地產商
梁振英在競選時揚言推出「港人港地」，限制境外人士買樓，但有關建議或損害地產商利益，張炳良昨在立法會房屋事務委員會上指，以資助房屋照顧市民的置業需要，並繼續密切留意物業市場的情況，若有需要會採取適當措施，確保樓市平穩健康發展。
張炳良的言論引起議員批評，自由黨劉健儀質疑他當選後受壓，令政策胎死腹中，「家呢個政策喺咪已經胎死腹中，又或者喺呢個政策係梁先生當日攞嚟人呢？如今成功當選，可能怕咗地產商，政策就一筆勾銷」。
房屋事務委員會主席李永達指，港人港地政策在梁振英上任後已經不斷修改，「係咪大地產商已經成功游說咗北京同梁振英，佢已經停止港人港地政策」。張炳良重申，港人港地政策仍是政府其中一個考慮，「香港係自由市場，冇話特登唔俾香港人以外嘅人來買樓」。
此外，政府將加快興建居屋程序，將規劃至建成時間由七年減至五年，但強調要顧及建屋質素，不希望再出現短樁樓的情況。