【話題】「我覺得自己唔突出，由細到大做任何事都冇天份，讀書係咁，運動都係咁。」現職消防員的張志業回憶中學陸運會，自己恨跑400米，但因不夠快，只被安排跑接力……。兩星期後，他參加的不再是學界賽事，而是倫奧柔道項目。
記者：林湛穎
攝影：何柏佳
張志業，一個普通不過的名字。志氣的志，偉業的業，反映出父母對兒子的期望。這個兒子在上水天平邨長大，只唸到中七，沒有考進大學的本事；他愛跑步，但400米只跑52秒，中學體育老師直言不夠快，陸運會安排他跑4x400米接力，好讓他有得落場補數。
練柔道要高度服從
這個人就好像一塊牛扒，很多事情做不到十足，卻可以交出6、7成，合格有餘。11歲那年暑假，他加入《少年警訊》，原本在這個悠長假期，大可留在家和哥哥盡玩新買的PlayStation，卻不知何故，報名參加了《少年警訊》的柔道初班。上完第一堂便鬧着要退出：「點解咁奇怪，成堂喺度俾人打，我心諗：『算啦，可能好快就唔學啦』！」這次，一學便是15年
曾撲救花園街奪命大火
「冇柔道，我嘅中學階段可能會喺屋企行行企企，hea足一日。柔道教曉我要高度服從，教練唔得閒，就要自律練習，唔可以偷懶。」一句高度服從，業仔銘記於心15年，助他實現童年夢想。「我嘅志願係消防員，唔係運動員，更冇諗過去奧運。細個時每次行過消防局就會好好奇。」
入職5年，挑戰不斷，包括參與撲救去年花園街、今年獅子山隧道的兩宗火災。這個毫不起眼的屋邨仔，今年3月喜獲奧運資格，事業、體育兩得意。每隔一段日子就有倫常慘劇發生的天平邨，孕育出一個奧運選手，悲情地方原來都有叻人：「我其實係一個悶人至啱，我唔識唱K，兩年前陪朋友去，我一首歌都唱唔到；蒲吧更加唔會，5年前去過上水一間『阿伯吧』，之後就冇再去，我放假嗰時只係玩柔道，真係好悶。」
輸都要輸得好睇
業仔將發呆的時間放在柔道世界，公餘節目除了柔道，再冇其他。悶人打奧運，故事何其美妙，他卻勸家人和女友不要前來打氣：「09年香港東亞運，我叫女友同屋企人唔好嚟睇我比賽，今次我都叫佢哋唔好睇，費事啦！」原來他不怕火，也不怕痛，只怕緊張，每次都會聽JackJohnson的歌曲減壓：「我嘅排名係全場最低嗰幾個，首圈就對最top嘅選手，我都預咗輸，但就算輸，都要輸得好好睇睇！」
後記：掌上壓、sit-up20分鐘做353下
通，小記問誰是他最喜歡的運動員，他答了現役甲一籃球隊南華的劉子健。原來07年，業仔和「劉子」一同入消防學堂受訓。現已轉為全職籃球教練的「劉子」，對這位同門師兄弟仍有印象：「佢體能全學堂最勁，sit-up同掌上壓可以20分鐘做到353下，破晒學堂紀錄！希望佢畀心機打好奧運。」
張志業小檔案
年齡：25歲（26/12/86）
身高/體重：1米75/73公斤
世界排名：113位
奧運參賽項目：柔道（男子73公斤以下級別）
威水史：09年國際賽冠軍（香港站、越南站）06年多哈亞運第7名