今日是鄭中基和余思敏的囡囡Emma一歲生日，剛巧鄭中基舊愛楊千嬅剛誕下囝囝，余思敏昨日被問到可會跟千嬅對親家，她即尷尬表示任他們自由戀愛發展！
蒙嘉慧、鄭中基太太余思敏和何超儀等，昨日在中環出席美國手袋名牌Coach活動。余思敏透露囡囡Emma今日一歲生日，她說：「都係食吓飯，搞小朋友活動慶祝。」鄭中基自從娶妻生女後，變得很生性，余思敏笑着說：「佢不嬲都定性，家成日爭抱女，搶我飯碗，個女好醒目，一見邊個換咗衫就跟邊個，因為想出街玩。」
「等佢自由戀愛」
余思敏透露想追多個，但不心急，也不恨生仔。提到老公舊愛楊千嬅的B仔出世，可以對親家，余思敏有點尷尬說：「一歲咋，仲係封建社會咩，對親家，等佢自由戀愛啦，多啲朋友仔一齊玩都好。」蒙嘉慧提到男友鄭伊健去瓦努阿圖拍特輯，她說：「我有見佢食生雞，佢好儍，但好快樂。」為何不一起移民瓦努阿圖？她說：「唔會啦！」何超儀則剛從匈牙利拍驚慄片回港。
採訪：顏英儀 攝影：陳慧安