堪輿學家李丞責年初向女友劉倩婷求婚成功，佢哋仲計劃喺出年二月結婚，唔好睇李丞責表面上好似木木獨獨咁，其實佢都幾識劉倩婷，上月底就帶咗倩婷去日本沖繩影浪漫婚紗相。聽聞李丞責仲喺沖繩買咗層樓送畀劉倩婷做結婚禮物，除此之外，好似話李丞責仲送咗啲股票畀劉倩婷，加加埋埋成五千萬港元，睇嚟李丞責真係錫到劉倩婷燶喎！