坊間一些自我提升、心靈探索及改造自我等課程，屬於LargeGroupAwarenessTraining（集體覺醒訓練、簡稱LGAT），被不少網民用「洗腦班」及「精神鴉片」等來形容。facebook（fb）上更有人成立「反複製人!!反精神毒品!!」群組，網民紛紛分享身邊人參加課程後性情大變，甚至如「撞邪」或「精神失常」。
fb群組開宗明義：「請阻止身邊親戚朋友加入"改變自己、改變世界"的LGAT課程」，討論如何救親友「脫離魔掌」。網民Cherry指，妹妹讀一期課程時，「突然好nice、好和諧，之後第二期不停同你講愛你呀！掛住呀咁。」有天妹妹沒上堂，家裏收到30多個電話。後來妹妹向幾位認識了十多年的朋友埋手：「朋友個朋友唔去（參加課程）就話人冷血唔愛佢……，佢話導師叫佢要介紹三個人，如果唔介紹就係冷血，唔死都冇用。」
上堂後變隱蔽青年
有網民指家人上堂後成為「隱蔽青年」，與拒絕參加課程的家庭成員「零交流」。又有網民的上司上完堂後突然到他的家說：「其實我好愛你。你其實好有才能，不如一齊參加呢個課程啦，令你有前所未有的體驗……。」更表示可以借錢給他上堂；不過，也有人向大耳窿借錢花近三萬元上堂，導致欠債纍纍。
《蘋果》記者