外界質疑林煥光身兼平等機會委員會主席及行政會議召集人有角色衝突，分分鐘令林煥光成為成為「CY團隊」的跳船第一人，身兼多職的查史美倫認為林的角色「完全無衝突」，反指「家香港做乜嘢都有人質疑㗎啦！」
查史美倫直言香港有矛盾，凡事被質疑更成為風氣，「尤其離開香港一段時期，再睇番剪報，真係覺得香港就嚟冧咁滯㗎，即係香港政府好腐敗㗎，如果你淨係睇剪報……」問她香港是否已經到了「臨界點」？查史美倫以「唔識睇」帶過，只表示希望做好自己本份，在其專長的範圍內出力作貢獻，「一個社會要靠唔同嘅人、唔同嘅組成，先會成為一個團隊……我保證會聽你嘅聲音，但唔保證有答案。」
林煥光「被迫去揀」
對於林煥光被質疑，「我覺得完全無衝突！」查史美倫認為林是「被迫去揀」，她覺得香港需要有理性討論。
同樣是行會成員的查史美倫如今作為金融發展局的籌備小組主席，未來更大有機會出任主席，若日後同樣被大眾質疑將會如何自處？「你要解畀我聽有乜衝突先得㗎……你解到畀我聽有好大衝突，我嘅考慮可能會唔同。」