德國教練路維冇揀多蒙特龍門維丹費拿（上圖左）打今夏歐國盃決賽周，搞到我求大俠同班男性球迷，喺賽事期間睇少好多正嘢；好彩，德國一間網上體育用品公司KarstadtSports就補到飛啫。唔講你唔知，原來維丹費拿嘅25歲女友莉莎超索，靚樣身材正；
而KarstadtSports亦睇中佢嘅優點，搵佢做代言人幫手sellproduct。着住多蒙特2012/13球季主場波衫嘅莉莎（圖），雖則冇show條事業線出嚟，但佢超勁嘅身材搞到差啲迫爆件衫，再加埋兩條長腿，真係令一眾男性球迷有窒息嘅感覺。新一季德甲喺下個月24號就開波，仲由多蒙特揭開序幕，喺主場鬥雲達不來梅，相信莎莉亦會嚟捧佢男友場，咪話我求大俠唔提醒大家！
