立法會秘書長吳文華（Pauline）噚日最後一次出席立法會內會，喺內會副主席肥仔明呼籲下，一眾議員會議結束前用傳統歡送式，擊枱多謝Pauline多年來嘅貢獻。即將接任秘書長嘅教育局前副局長陳維安，就喺內會後現身，仲同Pauline拍照留念。
Pauline同八方講，其實陳維安本周二起，已頻頻去立法會「偷師」，「我哋開會時，陳維安都留係佢嗰間房，望實我哋做嘢」；不過八方相信，陳維安最需要時間學嘅係如何處理立法會主席裁決，事關呢樣先係議員成日爭拗嘅事。Pauline又透露，8月會去加拿大議會探朋友，9月會重返立法會，主持一個新議員簡介會至功成身退。