新潮舞會為泰迪羅賓上了第一堂政治課，亦令他決心不涉足政治。但這位香港第一代華人偶像由出生到現在60多歲，他所拍電影的題材：由1980年，講法律不能制裁壞人的《山狗》、1993年觸怒大陸的《誘僧》，近年選擇不惜放棄大陸市場以換取創作自由的空間，甚至上星期慶回歸文藝晚會，在國家主席胡錦濤及特首梁振英面前選唱，他於1966年首張細碟的歌曲《Lies》，也和政治密不可分。
泰迪羅賓表示：「人可以唔參與政治，但人唔係昆蟲，冇人可以離開政治。所以我企喺正義嘅一邊，正義包括言論自由、新聞自由、反對23條，包括香港嘅核心價值唔應該變。」訪問在慶回歸表演前進行，泰迪羅賓告訴記者，他每次表演都一定會唱《Lies》，即使他已記不起當年在新潮舞會中曾經唱了哪些歌，但肯定有唱《Lies》。「Lies即係謊言，家講起嚟真係好應景，有咁多大話，由特首選舉到家，充滿咗大話。」
從沒有身份掙扎
泰迪羅賓的父親是國民黨軍官，抗日戰爭時效力李宗仁，內戰結束，他全家由北京搬到香港。他爸爸抱着過客的心態，但幾歲便開始在香港生活的泰迪羅賓卻很自然的視香港為家。「我由懂事都冇身份掙扎，我係香港人，香港係我屋企，我鍾意外面嘅嘢，會出去跑，但一定返香港。當年喺加拿大，我會話IamaChinesefromHongHong。殖民地呢樣嘢，對我冇影響，不過家，有時會好shameful，點解有啲咁不堪嘅嘢發生緊，我哋係唔係正不能勝邪呢？」
《蘋果》記者