球星喺暑假多數去度假,但係愛爾蘭國腳翼鋒杜夫(圖)就自強不息,鍛煉自己;早排呢個33歲嘅富咸球員先幫國家踢完喺波蘭同烏克蘭舉行嘅歐國盃決賽周,轉個頭就去咗黎巴嫩參加愛爾蘭同芬蘭維和部隊嘅步兵訓練營;而個訓練一啲都唔簡單,又要跑山又要擔水又要推車,不過杜夫都能一一完成。中校莫拿漢就話:「作為愛爾蘭的足球大使,杜夫的表現絕對係一流;而佢亦好隨和,一啲架子都冇。」