【本報訊】7日內馬拉松式徒步250公里，橫跨世上的沙漠極地。世界聞名的沙漠耐力賽──戈壁站已於上月完結，來自世界各地的160多個選手中，有140多人成功完成整項賽事，其中包括香港選手翟文禮。活動讓他體驗，以不屈不撓的精神克服困難。 記者：梁御和
翟文禮（39歲）架着黑色粗框眼鏡，外表文質彬彬，是一間律師樓老闆。他本來最討厭行山、跑步，為了鍛煉自己，8年前開始行山訓練，曾參加過9次毅行者活動，今次將難度升級，挑戰戈壁沙漠。他坦言，越難越挑起他的鬥心：「舊年有朋友轉寄咗RacingThePlanet嘅戈壁沙漠耐力賽資料畀我，就即時報名！」
為以最佳狀態應戰，他操練了半年，原本170多磅的他，先健身減去20磅，再加密行山次數，由數天行一次，到接近比賽的前兩星期「日日行」，更背着相機腳架及水袋等重物，令身體盡快適應。縱然經地獄式訓練，但面對真正的沙漠，困難比想像嚴峻。「沙漠好乾，溫差好大，日頭40度，太陽一落山，半小時內就會得番10度以下。戈壁路面大部份都係乾硬嘅碎石路，又要不斷上落山坡，好難行」。
比賽第二天，除周身痠痛，腳板更長滿水泡，「去到最後人人腳趾、腳眼、腳踭位都出晒水泡！」惟當宏偉的自然景觀展現眼前，他感到受苦也很值得，「一望無際嘅土地，遠方嘅山全部七彩色，睇到我呆咗」。
翟最深印象的是第五天行程，參加者要一次過完成79公里。一行人由早上8時出發，翌日凌晨4時才到達營地，歷時20小時。「最後一個參加者係一個65歲嘅日本伯伯，佢行到第二朝10點鐘先到，行咗26小時，佢好似機械人咁半步半步行返嚟，全部人為佢打氣，真係好感動。」
「下次挑戰撒哈拉沙漠」
翟文禮坦言，是次活動讓他見識到如何以無限意志克服困境。「試過去到一個叫天門嘅地方，海拔3,000米，有蘇格蘭參賽者唔小心碌落山，成身損晒，但都堅持完成整段路程，佢嘅意志力真係好厲害」。翟文禮欲與身邊人一同分享「挑戰自我、永不放棄」的精神，藉此機會發起募捐行動，籌得15萬元會捐給「生命熱線」。他已為自己定下戰書：「下次挑戰撒哈拉沙漠！」
