雖則橋唔怕舊，最緊要受；但抄襲都唔可以亂搵對象。最近有人收到元朗區議會主席民建聯梁志祥嘅宣傳單張，睇落極面善，靈感相信來自台灣民進黨總統參選人蔡英文嘅文宣單張。係人都知，阿爺點睇民進黨，梁志祥公然模仿，係咪想作反先？梁志祥喺張單張上，寫住「明日安樂窩，元朗NEXT」，同蔡英文單張「光榮台北，TAIWANNEXT」可謂異曲同工，就連單張嘅折叠方法亦相當類似，想話唔係二次創作都唔得啦。