領匯霸權有幾乞人憎，相信唔使多講大家心中有數。9月會出戰九龍東嘅黃洋達，噚日出咗本小冊子叫《我們去尋找好味》，明踩之前領匯本《尋味時光》。小冊子搜羅咗唔少九龍舊區食店，每間食店都各具特色、有番咁上下年紀，部份更加係知名老店，好似美而廉扒房咁。除咗介紹美食，其實小冊子亦帶出舊區老店嘅人情味唔係咁易俾人取代嘅訊息，因為街坊鄰里嘅關係並唔係一般連鎖店可以畀到大家。若果領匯繼續只識大裝修瘋狂加租逼走晒小商戶，跟手又搞個活動話要尋味集體回憶，好難怪咁多人都憎到佢哋入骨囉。
