好多人都話MINICooper形象百搭又耐看，其實並非只得空談，經常潮Look示人的MINI，突然披上一套由Rolls-Royce（RR）打造的禮服，即時貴氣升級。名為MINIInspiredByGoodwood的特別版，全球限量1,000部，香港三部配額已火速被搶走兩部！
記者：許維雅
攝影：蔡家輝
Model：Wayne@GME
60萬打造史上最豪
舊年四月於上海車展首次亮相的MINIInspiredByGoodwood引來不少迴響，上星期終於正式抵港，雖然香港成功爭取到三部配額，但據聞已有兩部被訂購，戀上呢部獨特筍盤的MINI迷確實要快手。同一集團旗下的勞斯萊斯跟寶馬聯手打造的史上最豪MINIGoodwood，車價接近60萬元，將MINICooperS差不多升價一倍，當然唔可能單靠「限量」呢兩個字。RR設計團隊精心為MINI車身內外粉飾，先講外表，驟眼看似平凡的黑色車身，其實名為RRDiamondBlack的漆面，於燈光下發出閃閃金光，更是Goodwood版專用色調。而車身兩旁的指揮燈飾板則換上刻有InspiredbyGoodwood的磨砂銀色金屬板，配上17吋多輻式合金輪圈、Xenon燈組及電鍍飾邊等足料Options，令迷你Goodwood既充滿獨特玩味，又不失莊嚴貴氣。
非凡車廂全人手裝嵌
要數到有着RR的豪華氣派，走進車廂你便可感受得到。先有Goodwood金屬門檻跟你打招呼，由RR專用的CornsilkBeigeLeather真皮包裹的米色皮椅、儲物櫃及中控台等，已將車廂的豪華氣派打底，再以名為RRWalnutVeneer的啡色桃木飾板及Cashmere羊毛縫製的車頂相襯，足以令MINI格調非凡。何況所有裝飾均是由Goodwood廠技師以人手鑲嵌，手工份外細緻，地台上一張只有超級豪房才會出現的軟熟長羊毛地毯，更是畫龍點睛之處。
車門同樣有RR專屬的真皮及桃木粉飾，全黑中控台還有黑色大圓錶板及刻有InspiredbyGoodwood1of1,000的名牌。最後不少得一大堆用銀彈堆砌的Options，前座手枕、SportButton、Harman/Kardon音響及DTC動感巡跡系統等，不論你有用無用，但求以量多來顯示地位不同。至於可以輸出184匹馬力的1.6公升Turbo引擎，性能有幾好玩？相信呢一刻，應該無乜人會太在意。
MINICooperSGoodwood規格：
引擎：1,598cc直四配渦輪增壓
馬力：184hp/5,500rpm
扭力：240Nm/1,600-5,000rpm
傳動：6前速+/-自動波箱
售價：$588,888
查詢：31936800
