去年底爆出G.E.M.在求學時期，寫blog狂數圈中的歌手，如胡杏兒、鄧麗欣等人，對G.E.M.也是一個人際關係的考驗，她說：「當時初戀男友打畀我，話我同佢拍拖嘅相被刊登。當時都唔覺得太大件事，因為我冇影好親密嘅相，但佢講寫blog講粗口嘅事都登埋出嚟，我先知大件事！當時十四、五歲寫blog，乜都寫一餐，鬧明星、老師，我唔覺得講粗口好曳，但入行後我認識呢啲人，覺得好樣衰，胡杏兒係同我同一年嘅新人。仲記得喺頒獎禮上同佢傾偈，問佢同黃宗澤嘅戀情係咪真嘅。」
爆粗鬧媽咪
G.E.M.坦言信仰教她唯一做法是承擔，要有勇氣去面對，她說︰「由件事爆出，到我回應件事，只有兩日時間，我忐忑不安，承認要好大勇氣，怕俾我話過嘅人唔知會點諗，亦唔知回應後後果會點。」
正如G.E.M.所說，講粗口的並一定是壞人，去年九月她受洗後，開始戒粗口：「受洗後我接觸嘅人唔同，教徒影響我好多，回望以前嬲或者講是非，習慣咗句子中會有粗口。其實我中一、二開始講粗口，覺得人已經長大，個人又較熱血，有時同同學鬧交，媽咪喺旁邊知道話我，我會對住媽咪講粗口。但眼見好多教徒都戒咗呢個習慣，所以我都開始學忍口，我唔係太爛口，所以好易戒。以前句子中總要塞啲粗口，家有時會用好Q煩、頂，呢啲字眼代替，而呢啲字當年會覺得表達唔到自己嘅感受。」
