韓燕噚日喺亞視總台舉行首個油畫展記招，成班亞視好友撐場，呂晶晶仲要求韓燕幫佢畫裸體畫：「我好想叫佢幫我畫幅全裸嘅畫，趁後生仲保持到身材留倩影。」但晶晶冇諗過影裸照，想留番將來結婚同老公一齊影。另外，鄭明明提到羅慧娟離世，佢大讚娟妹堅強，不過冇同娟妹老公聯絡，因為唔想騷擾佢，但就同娟妹嘅家姐傾過。