電影《四大名捕》前日喺北京搞首映，主演嘅鄧超、劉亦菲、鄭中基同鄒兆龍等都有出席宣傳。四大名捕查實本來得四個男人做主角，不過為咗加條愛情線，其中一個名捕變咗劉亦菲。
前日劉亦菲着住條桃紅撞黑嘅短裙，仲同一班拍檔玩跳起，青春靚女感覺返晒嚟！如果佢好似上次宣傳咁，竟然着條透視裙透埋條肉色阿婆底褲，你話幾個名捕一齊爭佢都冇人信啦！撰文：洪紅克
